Në foto: modelja izraelite Bar Rafael teksa hedh tutje perçen gjatë një reklame që ka nxitur indinjatë në mbarë botën. duke u konsideruar islamofobe dhe raciste.

 Modelja izraelite Bar Refaeli është në të gjithë titujt kryesorë të kësaj jave dhe po bën lajm duke u akuzuar si raciste dhe islamofobe për shkak të veprimit të saj në një video komerciale të një kompanie izraelite, ku është dhe bashkëpronare.

Fushata, e titulluar “Liria është themelore” fillon me një close up të fytyrës së një gruaje të mbuluar me perçe, një lloj mbylese e fytyrës e praktikuar tradicionalisht nga disa gra muslimane. “A jemi në Iran këtu?” shkruhet në hebraisht në reklamë. Teksa imazhi zmadhohet, gruaja hedh tutje perçen e zezë, duke zbuluar kështu se është Bar Refaelin, e veshur me një xhaketë hoodie dhe duke valëvitur flokët mbi shpatullat e saj. “Bëhet fjalë për lirinë! Vazhdimisht duhen thyer zinxhirët!” kumbon zëri në sfond i këngëtares.

Pasi reklama u postua ditën e hënë në faqen e Facebookut të modelës, ajo dhe kompania u përballën me “lirinë” e fjalës: ku mijëra njerëz kritikuan të dyja, kompaninë dhe modelen. “Na ka ardhur në majë të hundës me këto budallallëqe në lidhje me burkën e veshur nga gratë e ‘shtypura’ të cilat kanë nevojë të çlirohen nga gra bardhoshe shpëtimtare. Ka plot gra muslimane që e mbajnë si zgjedhje të lire. Kështu që mjaft treguat mungesë respekti nga kësaj zgjedhje të lire,” shkruan një përdorues në Twitter.

Më problematikja me reklamën nuk ishte vetëm islamophobia e hapur, por përçimi i idesë se në pëgjithësi gratë që mbulojnë trupin e tyre janë të shtypura.

Në këtë kontekst, ideja është që përmes fjalëve – “A jemi në Iran këtu?” –  të tregohet se qëllimi i fushatës ishte të kritikonte abuzimet e të drejtave të grave në Iran, dhe jo muslimanët në përgjithësi. Izraeli dhe Irani kanë qenë të angazhuar në një luftë të vazhdueshme për dekada të tëra. Nuk është e çuditshme që një kompani izraelite të përpiqet të kryqëzojë një komb të tërë (Iranin), udhëheqësit e të cilit kanë shprehur haptazi dëshirën për shkatërrimin e Izraelit.

Megjithatë, ky lloj mesazhi nuk është i pranishëm në imazhet e fuqishme të Bar Refaelit teksa heq perçen. Mesazhi që reklama përcjell nuk përkthehet si “ligji iranian është i keq,” por se “perçja është e keqe,” se “Islami, feja e 1.7 miliard njerëzve, është i keq”.

Kjo ishte dhe arsyeja pse reagimi ndodhi aq shpejt, duke u përhapur përmes mediave sociale më shpejt sesa shpejtësia me të cilën u hodh tutje perçja nga modelja. Kjo është arsyeja pse Refaeli dhe Hoodies e hoqën videon në faqet e tyre përkatëse në Facebook. Kjo është arsyeja pse llogaria zyrtare në Facebook e Hoodies është zhdukur.

Liria nuk diktohet nga fakti se sa një person zgjedh të mbulohet, por nga ajo se sa i lirë është në zgjedhjen që bën. 

Përgatiti për Observer.al Nada Dosti.

Observer.al

NA THUAJ EDHE TI MENDIMIN TËND!

Please enter your comment!
Please enter your name here

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.