Labinot Kunushevci

Labinot Kunushevci është një autor dhe sociolog që jeton në Prishtinë. Ka mbaruar studimet themelore dhe master në fushën e sociologjisë në Universitetin e Prishtinës. Ai është autor i librit disa vëllimësh “Pasionet e idiotëve”. Labinoti njihet për intervistimin e sociologëve më eminentë në botë, si i vetmi nga Kosova intervistat e të cilit janë botuar në 17 gjuhë në revistën prestigjioze “Global Dialogue” të Shoqatës Ndërkombëtare të Sociologjisë - ISA. Në vitin 2017, ai fitoi çmimin “Shkrimi më i mirë për promovimin e Kosovës” nga Ministria e Punëve të Jashtme të Republikës së Kosovës. Ndërsa analizat dhe trajtimet e tij të spikatura sociologjike përfshijnë fushat si kultura, feja dhe edukimi. Aktualisht është koordinator i fondacionit Vildana, një nga fondacionet e mërgatës shqiptare më elitare në rajon, që mbështetë studentët e talentuar shqiptarë me bursa.