Gratë muslimane marrin pjesë në një vigjilje për viktimat e të shtënave në xhaminë e Zelandës së Re të mbajtur në sheshin Nathan Philips në Toronto, Ontario, Kanada, 15 mars 2019. (Getty Images)

Mbulimi i muslimanëve dhe islamit në Mbretërinë e Bashkuar është kryesisht negativ ku Mediat në internet arrijnë pothuajse 60% dhe klipet televizive pak nën 50%, tregoi të martën raporti nga Këshilli Mysliman i Qendrës për Monitorimin e Medias (CfMM) të Britanisë.

Hulumtimi analizoi mbi 48,000 artikuj në internet dhe 5,500 klipe të transmetuara në një hark kohor nga 2018 deri në 2020. Agjencitë e lajmeve Reuters, Associated Press dhe Agence France-Presse (AFP) u përmenden si mediat që publikojnë më shpesh artikuj negativë për muslimanët. Lajmet e tyre merren nga shumë media dhe rrjete të transmetimit, duke krijuar efektin e dallgëve të mëdha në mediat që kryesisht i kopjojnë dhe publikojnë artikujt.

Gjetjet e tjera kryesore tregojnë se 7% e të gjithë artikujve që u analizuan përfshinin një ose më shumë përgjithësime rreth myslimanëve, Islamit si “shkelësit më të këqij që kanë prirje të djathtë ose religjioze”, thuhet në raport. Përqindja më e lartë e përgjithësimeve bëhet për temat e terrorizmit apo ekstremizmit me 25%, e ndjekur nga politika me 18%. Më pas me 17% vjen tema e Lindjes së Mesme dhe feja me 15%.

Raporti prej 162 faqesh tregon në detaje se sa i njëanshëm është raportimi – me të përjavshmen në Mbretërinë e Bashkuar “The Spectator” që është më e keqja në “paragjykimet antagoniste” dhe “paragjykimet mbështetëse” ndaj muslimanëve dhe Islamit.

Pas publikimit të raportit, redaktorët e The Sunday Times dhe Daily Mirror shprehën mbështetjen e tyre dhe bënë thirrje për raportim më të drejtë. Emma Tucker e The Sunday Times tha: “Unë e mirëpres këtë raport – me vetëdije të plotë se ai përmban kritika ndaj shtypit, përfshirë gazetën time.”

“Ky raport i Qendrës për Monitorimin e Medias tregon se sa shumë ne si gazetarë duhet të pyesim veten dhe punën që po prodhojmë në lidhje me raportimin e muslimanëve dhe Islamit”, tha kryeredaktori i The Mirror, Alison Philips.

Përveç renditjes së statistikave të zbuluara, CfMM ka dhënë disa rekomandime për mediat. Së pari, kërkohet shmangia e lidhjes së zakonshme e besimit musliman me krimin, terrorizmin ose ekstremizmin, përveç nëse ka një arsye specifike të justifikueshme për ta bërë këtë. Së dyti, ofrimi i një platforme për perspektivat dhe zërat muslimanë. E treta, të mbështet rekomandimi i dytë me përfaqësim më të lartë të redaktorëve muslimanë. Së fundi, inkurajimi i ndërgjegjësimit dhe reflektimi mbi paragjykimet e mundshme, të qëllimshme ose të paqëllimshme, dhe aty ku është e nevojshme ofrimi i trajnimeve.

Shefi i CfMM Rizwana Hamid tha në lidhje me raportin se ai nuk kërkon të fajësojë asnjë lojtar në media. “CfMM mbetet e përkushtuar për një media të lirë, e cila raporton pa frikë apo favore dhe kërkon llogari nga ata që janë në pozitat e pushtetit,” thotë Hamid, duke shtuar se është koha që industria ta pranojë këtë, “me raste dhe shumë shpesh kur bëhet fjalë për muslimanët dhe Islamin, i bën gjërat gabim.”

“Profesionistët e medias duhet ta mirëpresin këtë shqyrtim dhe të zbatojnë këto rekomandime për të përmirësuar standardet gazetareske.”

Autori i raportit Faisal Hanif thekson se as muslimanët dhe as Islami nuk duhet të jenë të imunizuar ndaj kritikave apo hetimeve, por “ne presim që kjo të bëhet në mënyrë të drejtë dhe me kujdesin e duhur, pa përdorur përgjithësime dhe trope (stereotipe anti-muslimane).

Observer.al

NA THUAJ EDHE TI MENDIMIN TËND!

Please enter your comment!
Please enter your name here

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.