Një ditë më parë (05.10.2021) Vizion Plus-i intervistoi ish-strategun e Donald Trump-it, Steve Bannon. Por kush është ai?
Steve Bannon është nacionalist i bardhë, neo-nazist, ish-ekzekutiv i Goldman Sachs, strategu kryesor i Shtëpisë së Bardhë në Administratën Trump, që mohon klimën, gjurmët e gishtërinjve. Ai është përgjegjësi për ndalimin e myslimanëve dhe luftën e administratës Trump kundër shkencës dhe klimës.
Si redaktor i faqes së lajmeve të ekstremit të djathtë Breitbart, Bannon ka shkruar histori të shumta ku mohon shkencën dhe ndryshimet e klimës duke avancuar teori të mëdha konspirative që sulmojnë energjinë e rinovueshme (përfshirë këtu edhe përhapjen e urrejtjes ndaj komunitetit LGBT, muslimanëve, emigrantëve, grave dhe në thelb çdo grupi tjetër të margjinalizuar).
Antipatia e tij për Islamin është e njohur, përfshirë thirrjet e tij të përsëritura për të ndaluar hyrjen e muslimanëve në Shtetet e Bashkuara. Pra, ish-strategu i fushatës së Trump, Stephen Bannon, ka qenë prej kohësh një kampion i zjarrtë anti-musliman.
Për gati një vit para se Trump ta punësonte Bannon-in për të drejtuar fushatën e tij, ai drejtonte një emision të përditshëm në radio ku shumë nga të ftuarit e tij nxisnin frikën dhe urrejtjen ndaj muslimanëve në Amerikë.
Sipas një hulumtimi të bërë nga Mother Jones dhe Fondi Hetimor i Institutit Kombëtar, Bannon ka bërë dhjetëra intervista në emisionin e tij SiriusXM, Breitbart News Daily, me ekstremistë kryesorë anti-muslimanë. Intervistat kolektive, të zhytura në pretendime të pabazuara dhe teori konspirative, japin një tablo të errët dhe paranojake rreth 3.3 milionë muslimanëve të Amerikës dhe besimit të dytë më të madh në botë.
Një nga mysafirët e Bannon në emision, Roger Stone, paralajmëronte për një Amerikë ku “islamikë të çmendur do përdhunojnë, vrasin, plaçkitin, jashtëqesin në burime publike, ngacmojnë qytetarët, të moshuarit, etj.”
Disa prej figurave estremiste në Amerikë që ai ka intervistuar e u ka dhënë zë përfshijnë edhe emra të njohur anti-muslimanë Pamella Geller, Frank Gaffney, Robert Spencer, etj.
Bannon shpesh i përsëriste këto intervista duke i lavdëruar të ftuarit e tij, duke i përshkruar ata si “ekspertët kryesorë” dhe duke i nxitur dëgjuesit e tij të klikonin në faqet e tyre të internetit për t’i mbështur ata. Bannon gjithashtu ofronte herë pas here komentet e tij që demonizonin amerikanët muslimanë.
