Observatori Kombëtar Kundër Islamofobisë dënon më forcë deklaratat e pamatura të bëra nga Kisha Protestante Ungjillore e Kosovës (KPUK), ku i bëhet thirrjet qeverisë së Kosovës dhe shoqërisë kundër heqjes se Udhëzimit Administrativ për ndalimin e Shaminë #ndryshojeni_ua_për_shaminë në ambjentet shkollore në Republikën e Kosovës. Ne i konsiderojmë thirrje të tilla, të pamend, dashakeqe e të rrezikshme, të cilat dëmton e rrezikon frymën e bashkëjetesës fetare dhe kohezionin shoqëror në Republikën e Kosovës.
Shprehim keqardhje që një komunitet fetar, i bashkohet zërave islamofob e anti-shqiptar në lidhje me një të drejtë themelore të praktikimit të fesë nga shumica e popullsisë, një e drejtë dhe liri e cila garantohet nga Kushtetuta e Republikës. Thirrje të tilla janë anti-kushtetuese e anti-demokratike.
Po ashtu, dënojmë gjuhën e drejtpërdrejtë anti-islame në deklaratë, ku shihet qartë tendenca për ta paraqitur Islamin dhe muslimanët si të huaj ndaj kombit dhe shtetësisë shqiptare dhe asaj të Republikës së Kosovës në veçanti.
Thirrjet të tilla, janë dëshmi se si një minoritet fetar mund të rrezikojnë bashkëjetesën fetare në vend duke u treguar të pamatur. Po ashtu, kjo na dëshmon se bashkëjetesa dhe ‘harmonia’ fetare ndërmjet shqiptarëve është një vlerë e mbrojtur nga shumica muslimane, pa të cilën nuk do të kishte as Shqipëri, e as Kosovë sot.
Në fund, e i bëjmë thirrje KPUK që ta tërheqë deklaratën e saj, e të kërkoj ndjesë. I bëjmë thirrje po ashtu çdo shqiptari të ndershëm e qytetari të Rep. së Kosovës që të mos bjerë pre e thirrjeve të tilla të rrezikshme.
Qytetarët e ndërgjegjshëm e dijnë se të drejtat dhe liritë themelore të njeriut nuk janë të negociueshme, e as çështje për debat. Ato duhet vetëm të zbatohen.
Këtu mund të lexoni deklaratën e KPUK.
