Në një vendim historik ditën e martë, Komiteti për të Drejtat e Njeriut të Kombeve të Bashkuara ka gjetur se ligji francez që ndalon mbulimin e plotë të fytyrës në publik shkel lirinë fetare të grave muslimane.
Kjo është hera e parë që OKB-ja jep një vendim të tillë në lidhje me ndalimin e mbulimit të plotë të fytyrës. Kjo mund të ketë implikime për disa shtete të tjera europiane që kanë implementuar ligje të ngjashme.
Ndër të tjera, OKB-ja ka theksuar faktin se Franca nuk e ka shpjeguar mjaftueshme e si duhet arsyen e këtij ndalimin. Gjithashtu, vendimi thekson se një ndalim i tillë ka efekt negativ për gratë muslimane, duke ua mohuar atyre aksesin në shërbimet publike e duke i margjinalizuar ato. Gjithashtu, Komiteti i ka kërkuar Francës që ta rishikojë ligjin dhe të kompensojë të gjitha gratë që janë prekur nga ky ligj.
Vendimi nuk është sulm kundër shekullarizmit
Grupi i përbërë nga 18 ekspertë të pavarur të të drejtave të njeriut nga vende të ndryshme të botës, ka theksuar se ky vendim nuk ka për qëllim të sfidojë kushtetutën shekullare të Francës.
Pse e ndaloi Franca burkën?
Në vitin 2010, në Francë u implementua një ligj i cili ndalonte mbajtjen e “çdo lloj rrobe që kishte për qëllim mbulimin e fytyrës” në publik. Kush shkelte ndalesën dënohej me 15 euro gjobë. Franca u justifikuar me idenë se ndalesa ishte e nevojshme për të ruajtur “kohezionin shoqëror” dhe sigurinë – një argumentim të cilin OKB-ja e refuzoi.
Implikimet e mundshme në ndalimin e mbulesës në Europë
Vendimi i të martës mund të ketë pasoja të shumta për disa vende të tjera në Europë të cilat aktualisht kanë në fuqi të ashtuquajturin “ngalimi i burkës”, përshirë Austrinë, Belgjikën, Danimarkën dhe Hollandën.
Ky vendim kundërshton gjithashtu një tjetër vendim të mëhershëm të vitit 2014 të Gjykatës Europiane për të Drejtat e Njeriut, i cila përkrahte ndalimin e Francës, duke mos i marrë parasysh argumentimet për shelje të lirisë fetare.
Çfarë pritet të ndodhë?
Qeveria e Presidentit Francez Emmanuel Macron tani ka 180 ditë kohë për t’iu përgjigjur vendimit të Komitetit dhe për të treguar se çfarë vendimesh ka ndërmend të marrë. Ndonëse Franca është e obliguar ta zbatojë këtë vendim, Komitetit i OKB-së nuk ka asnjë mekanizëm për ta detyruar atë që t’i përmbajet këtij vendimi.
