Ish-punonjësja dhe sinjalizuesja Frances Haugen tha se Facebookut i mungojnë “sistemet e duhura” për t’u marrë me çështjet e përmbajtjes në nivel ndërkombëtar.
Pavarësisht se në Facebook ishin të vetëdijshëm se në platformën e tyre promovohej gjuha e urrejtjes anti-muslimane, gjiganti i mediave sociale nuk ndërmorri pothuajse asnjë hap, tha ish-punonjësja dhe sinjalizuesja Frances Haugen në një ankesë të paraqitur pranë Komisionit Amerikan të Letrave me Vlerë dhe Shkëmbimin (SEC).
Haugen citoi të dhënat e brendshme të kompanisë duke thënë se përdoruesit, Grupet dhe Faqet e RSS [Organizatës nacionaliste indiane Rashtriya Swayamsevak Sangh] promovojnë narracione që nxisin frikë dhe urrejtje anti-muslimane te popullatat pro-hindu.
“Ka pasur një sërë postimesh çnjerëzore ku muslimanët krahasohen me” derra” dhe “qenë” dhe dezinformata të tjera që pretendojnë se Kurani u bën thirrje burrave që të përdhunojnë anëtarët femra të familjes”, thuhet në dokumentin e brendshëm, të titulluar ” Rrjetet e dëmshme kundërshtare – Studimi i Rastit të Indi “.
Dokumenti shton më tej: “Mungesa jonë e klasifikuesve në gjuhën hindu dhe bengali nënkupton që një pjesë e madhe e kësaj përmbajtje nuk merret parasysh dhe nuk denoncohet asnjëherë.”
Në ankesën e saj Haugen shtoi se përkundër faktit se dy të tretat e bazës globale të përdoruesve të Facebook prej 2.8 miliardë përdorin gjuhë të tjera nga anglishtja, gjigantit të mediave sociale i mungojnë “sistemet e duhura” për t’u marrë me çështjet e përmbajtjes në nivel ndërkombëtar.
Regjistrimet e brendshme të Facebookut gjithashtu aludojnë se si kompania ende nuk e klasifikon RSS-n si ‘të rrezikshme’. Në mënyrë tipike, Facebook përcakton subjektet që përdorin shërbimet e tij si ‘të rrezikshme ‘ nëse aktiviteti i tyre në internet mund të çojë në dëmtime offline.
Në akesë më tej thuet se dokumentet në Facebook tregojnë se kompania “ka toleruar përmbajtje të dëmshme dhe dezinformata në të gjithë botën”.
Për shembull, ku algoritmi i Facebook rekomandon faqe të veçanta për përdoruesit, “40 përqind e përmbajtjes” në Bengalin Perëndimor ishte “e rreme/jo autentike”.
Në një deklaratë për mediat, një zëdhënës i Facebookut tha se gjiganti i mediave sociale ka investuar në teknologji që “zbulojnë në mënyrë proaktive gjuhën e urrejtjes” dhe është e angazhuar për përditësimin e politikave të saj.
“Ne e ndalojmë gjuhën e urrejtjes dhe përmbajtjen që nxit dhunën. Me kalimin e viteve, ne kemi investuar në mënyrë të konsiderueshme në teknologji që zbulon në mënyrë aktive gjuhën e urrejtjes edhe para se njerëzit ta raportojnë atë tek ne. Ne tani e përdorim këtë teknologji për të zbuluar në mënyrë aktive përmbajtjen shkelëse në […] mbi 40 gjuhë në nivel global.
Si rezultat, ne kemi zvogëluar përhapjen e gjuhës së urrejtjes në nivel global. Për më tepër, ne kemi një ekip që shqyrton përmbajtjen. Ndërsa gjuha e urrejtjes kundër grupeve të margjinalizuara, përfshirë myslimanët, vazhdon të jetë në rritje globalisht, ne vazhdojmë të bëjmë përmirësime dhe jemi të përkushtuar për të përditësuar politikat tona pasi gjuha e urrejtjes evoluon në internet”.
